FIZU ‘E ANIMA Poesia di Paolo Lubinu



FIZU 'E ANIMA

Compare Ni’, apo comporadu!
Augurios tando, comare ‘Itto’. Già fut ora!
Augurios, e chi sia mannu e masciu...
Salude.
Salude.
‘Idu azis, comare ‘Itto’,
chi non fut gupa de compare Antoni, ah?
Ohi... ite sezis nende, compare Ni’?
Maridu meu est unu froscio!
E comente azis fatu tando
a comporare, comare ‘Itto’?
E comente apo fatu...
L’apo comporadu in America, compare Ni’.
Già m’est costadu pagu!
Pius de dughentos miliones l’apo pagadu.
Eh, ite bi cherides fagher,
s’amore est s’amore...
A su mancu, compare Ni’,
sa natura no l’apo illatzada,
e sas titas las giuto sempre bellas, mi’!
Salude tando, comare ‘Itto’!
Salude!

© Paolo Lubinu  2016